Am Donnsti am Morge hei d'Teilnämer Sache i de BG's gmacht für d'Usstelig am Bunt-Obe. D'15-ner hei dusse d'Blache putzt und das Ding (e Seifekiste) zämmebout wo mer unger der Wuche d'Teili zämmegsammlet hei. Vorem Mittag isch üse Präses de verbicho. Am Nomitag hei mer es Blintzlispil gmacht mit aune Ching zäme. Nach em Blintzlispil hei mer no Freispiel gha, wo mir hei chönne spiele was mer hei wöue. Am Nomitag isch no der nöi reformiert Pfarrer cho. Am Obe hei mer Bsinnleche-Obe gha, mir hei drü verschidnigi Gruppe gmacht. Die einti Gruppe het es Theater zu Kain und Abel gmacht, die zweiti het positivi und negativi Sache ufgschribe vom Jublalager und die letschti Gruppe hei säuber Fürbittene gschribe. Mir hei när e chline Gottesdienst gha. Mir hei es paar Lieder gsunge und die drü Gruppene hei ihri Sache vorgstöut.