Am Mittwoch si am Morge d'Interessegruppe gsi. Die drü verschidnige Interässegruppene sie Beautysalon, Boleibahn und verschidnigi Brätspili gsi. Am Mittag sie mer i d'GLS-Gruppe ufteilt worde. Mir hei s'erste mou nid chöne dusse übernachte, wüus Wätter nid mitgspüut het. Am Nomitag hei mer verschidnigi Spili gmacht zum Gäud verdiene. Die Spili am Nomitag sie gsie, es Speervöukerball anstat mit em Ball hei mer mitere Speer-Nudle nang abgschosse, mir hei e Parcour gha mit drü Pöste. A jedem Poste hei mer Seckli verdient mit Steinli, Houz, Gras oder Kohle und hei när müesse Büuder lege, wo mer vorhär au verdient hei. Am obe hei mer üs warm agleit und sie när aui zämme los gloffe ufs GLS-Spüufäud. Mir hei üs denne bim Neutralplatz besamlet und hei d'Regle mitteilt becho. Mir sie zu üsem Gruppeplatz gange, jede het öbis zum Schmuggle zueteilt becho vom Gruppeleiter. Mir hei vor einte Site zur angere Site müesse Sache schmuggle wie: Gäudseckli, Eier, Gwehr, Pistole oder Camel. I der höufti vor Ziit hei mer denne d'Gruppeplätz gwächslet.